Единствениот регистар на трансакциски сметки (ЕРTС) ги обединува податоците за трансакциските сметки на учесниците во платниот промет што се водат во регистрите на трансакциски сметки кај носителите на платен промет.
Услугата КИБС-ЕРTС се состои од:

1. Прием на информации за измени во регистрите на трансакциски сметки кај носителите на платниот промет
2. Ажурирање на примените податоци во ЕРTС
3. Информирање на корисниците на услугата за измените во ЕРTС

КИБС ги добива и обединува информациите за сметките кои се водат во Трезорската главна книга во МФ и Трезорската главна книга во ФЗО и истите ги проследува до останатите учесници во платниот систем.
Носителите на платниот промет може да пријавуваат нова сметка и промена на веќе постоечка трансакциска сметка преку веб сервис 24х7 online.

Со услугата КИБС-Блокада, КИБС АД Скопје ги обединува информациите за блокада и деблокада на трансакциските сметки кои се водат во регистрите на носителите на платен промет и истите ги проследува до останатите учесници.
Учесници во услугата КИБС-Блокада се учесниците во платен систем КИБС и КИБС-ЕРТС, освен Трезорот на МФ и Трезорот на ФЗО.

Услуга која на носителите на платен промет им овозможува интегрирана наплата на плати и персонален данок според податоците пријавени од УЈП.
Функционално оваа услуга е поделена на два дела:

1. Пријава на е-налози за плати и персонален данок од УЈП
2. Доставување на е-налози за плати и персонален данок до носителите на платниот промет по барање на нивните клиенти

Услуга која овозможува преглед и наплата на обврски, според податоците пријавени од доверителите.
И оваа услуга функционално е поделена на два дела:

1. КИБС-НАПС за доверители
   Пријава на податоци за наплата од доверители издавачи на сметки за комунални услуги, данок на имот и други услуги со цел да се овозможи наплата на сметките преку КИБС-НАПС.
2. КИБС-НАПС за корисници
   Достава на податоци за сметки и трајни налози во облик на платен налог со кој се олеснува наплатата на комунални услуги, данок на имот други услуги пријавени од доверителите.

Услугите на КИБС наменети за размената на податоци помеѓу Централен Регистар на РМ и банките се:

1. ЦР100 - отворање на сметка за нов правен субјект
2. ЦР200 - стечајни постапки
3. ЦР300 - блокади над 45 дена
4. ЦР400 – неусогласености
5. ЦР500 - размена на тековни состојби

Услуга за проверка на податоци за дадена трансакциска сметка според пријавените податоци од банките во Единствен Регистар на Трансакциски Сметки (ЕРТС).
Услугата овозможува проверка на пар податоци за трансакциска сметка и ЕМБГ за физичко лице, односно трансакциска сметка и ЕДБС за правно лице.
Услугата на корисниците им е достапна на три начини:

• KACheck преку веб сервис - проверка на податоци со технички решенија на корисници со повик на веб сервис на КИБС
• KACheck online – проверка на податоци преку портал на КИБС
• KACheck offline – проверка на податоци со доставување на датотеки со податоци за проверка во КИБС

Услугата за размена на податоци за даночни обврзници е наменета за достава на податоци со промени во Регистарот на даночни обврзници пријавени од УЈП до носителите на платен промет - корисници на овој сервис.